General Knowledge
Telugu General Knowledge | తెలుగు జనరల్ కనౌలెడ్జి | 07/12/2019
పీఎస్ఎల్వీ-సీ47 ప్రయోగం విజయవంతం
భారత అంతరిక్ష పరిశోధన సంస్థ(ఇస్రో) చేపట్టిన పీఎస్ఎల్వీ-సీ47 ప్రయోగం విజయవంతమైంది.
శ్రీ పొట్టి శ్రీరాములు నెల్లూరు జిల్లాలోని సతీశ్ ధవన్ స్పేస్ సెంటర్ (షార్)లోని రెండో ప్రయోగ వేదిక నుంచి 2019, నవంబర్ 27న ఈ ప్రయోగాన్ని చేపట్టారు. కార్టోశాట్-3తో పాటు అమెరికాకు చెందిన మరో 13 నానో ఉపగ్రహాలను పీఎస్ఎల్వీ-సీ47 రాకెట్ అంతరిక్షంలోకి మోసుకెళ్లింది. వివిధ దశల్లో 26.50 నిమిషాల వ్యవధిలో 14 ఉపగ్రహాలను నిర్దేశిత కక్ష్యలో ఇది ప్రవేశపెట్టింది. నిర్దేశిత కక్ష్యలోకి ఒక్కొక్కటిగా ఉపగ్రహాలు చేరాయి. పీఎస్ఎల్వీ-సీ47 సంకేతాలను అంటార్కిటకలోని ఇస్రో కేంద్రం అందుకుంది. పీఎస్ఎల్వీ-సీ47 ప్రయోగానికి నవంబర్ 26న ఉదయం 7.28 గంటలకు మొదలైన కౌంట్డౌన్ ప్రక్రియ 26 గంటలపాటు సాగింది.
కార్టోశాట్-3 విశేషాలు
- మూడోతరం హైరెజల్యూషన్ ఎర్త్ ఇమేజింగ్ ఉపగ్రహం అయిన కార్టోశాట్-3 బరువు 1,625 కిలోలు.
- జీవిత కాలం ఐదేళ్లు.
- పూర్తి స్వదేశీ పరిజ్ఞానంతో తయారైంది.
- కార్టోశాట్-3 దేశంలోకి చొరబడే ఉగ్రవాదులను పసిగట్టడంతోపాటు వారి కదలికలు, స్థావరాలపై నిఘా ఉంచి ఎప్పటికప్పుడు సమగ్ర సమాచారమందిస్తూ నిఘా నేత్రంలా పనిచేయనుంది.
- సైనిక అవసరాలకే కాకుండా ప్రకృతి విపత్తుల సమయాల్లోనూ ఈ ఉపగ్రహం సేవలందించనుంది. పట్టణ, గ్రామీణ ప్రాంతాల్లో ప్రణాళికలు, తీరప్రాంత నిర్వహణ, రహదారుల నెట్వర్క్ పరిశీలన, నీటి సరఫరాపై అధ్యయనానికి దీన్ని వినియోగించుకోవచ్చు.
- కార్టోశాట్-3లోని కెమెరాకు 0.25 మీటర్ల కంటే మెరుగైన రిజల్యూషన్ చిత్రాల్ని తీసే సామర్థ్యముంది.
- ఈ ఉపగ్రహ తయారీకి ఇస్రో రూ.350 కోట్లకు పైగా ఖర్చు చేసింది.
- చంద్రయాన్-2 తర్వాత ఇస్రో చేపట్టిన తొలి ప్రయోగం ఇదే.
- పీఎస్ఎల్వీ సీరీస్ లో ఇది 49వ ప్రయోగం కాగా.. షార్ నుంచి 74వ రాకెట్ ప్రయోగం.
- పీఎస్ఎల్వీ సీ-47 ను ఎక్స్ఎల్(XL) తరహాలో రూపొందించారు.
క్విక్ రివ్యూ :
ఏమిటి : పీఎస్ఎల్వీ-సీ47 ప్రయోగం విజయవంతం
ఎప్పుడు : 2019, నవంబర్ 27
ఎవరు : భారత అంతరిక్ష పరిశోధన సంస్థ(ఇస్రో)
ఎక్కడ : సతీశ్ ధవన్ స్పేస్ సెంటర్ (షార్), శ్రీ పొట్టి శ్రీరాములు నెల్లూరు జిల్లా, ఆంధ్రప్రదేశ్
ఎందుకు : సైనిక అవసరాల కోసం
సౌర కుటుంబం అంచులు దాటిన వాయేజర్-2
అమెరికా అంతరిక్ష సంస్థ (నాసా)కు చెందిన వాయేజర్-2 అంతరిక్ష నౌక సౌర కుటుంబం అంచులు దాటి వెళ్లింది.
సూర్యుడి ప్రభావం లేని, నక్షత్ర మండలంలోకి (ఇంటర్స్టెల్లార్ స్పేస్ మీడియం-ఐఎస్ఎంకు) 2018 నవంబర్ 5వ తేదీన చేరుకుంది. ఈ విషయాలను నాసా 2019, నవంబర్ 6న వెల్లడించింది. దీంతో ఆ ఘనతను సాధించిన రెండో వ్యోమనౌకగా వాయేజర్-2 నిలిచింది. అంతకుముందు నాసాకి చెందిన వాయేజర్-1 2012లో సౌర కుటుంబాన్ని దాటి వెళ్లింది.
వాయేజర్-2 విశేషాలు
- అంతరిక్షంలో ప్రయాణించిన కాలం : 41 ఏళ్లు
- వేగం /గంటకు మైళ్లలో : 34,191
- సూర్యుడి నుంచి వాయేజర్ -2 ఉన్న దూరం : 1,770 కోట్ల కిలోమీటర్లు…
- ప్రయాణించిన మొత్తం దూరం : 3,000 కోట్ల కిలోమీటర్లు
- సందర్శించిన గ్రహాల సంఖ్య : 4 (గురు, శని, వరుణ, నెప్ట్యూన్)
- సూర్య కిరణాలు వాయేజర్ను చేరేందుకు పట్టే సమయం : 16 గంటల 36 నిమిషాలు
- వాయేజర్-2 నుంచి భూమికి సమాచారం అందడానికి పడుతున్న సమయం : 19 గంటలు
- గ్రహాంతర వాసుల కోసం ఒక సందేశాన్ని ముద్రించిన బంగారు ఫలకం వాయేజర్-2 ఉంది. ఈ ఫలకంపై 14 ప్రత్యేక నక్షత్రాల సాయంతో సూర్యుడిని ఎక్కడ గుర్తించవచ్చు?, హైడ్రోజన్ పరమాణవు చిత్రంతోపాటు మరికొన్ని సంకేతాలు ఉన్నాయి.
- 1977లో కొన్ని వారాల వ్యవధిలో నాసా వాయేజర్-1, వాయేజర్-2లను ప్రయోగించింది. రెండు అంతరిక్ష నౌకలూ సూర్యుడి ప్రభావం నుంచి దాదాపు ఒకే దూరం తరువాత బయటపడ్డాయి. దీన్ని బట్టి సౌరకుటుంబం ఆకారం గోళాకారంగానే ఉంటుందని అర్థమైందని ఐయోవా యూనివర్సిటీ శాస్త్రవేత్త బిల్కుర్త్ తెలిపారు.
అంతరిక్ష పరిశోధన కేంద్రాలు- ముఖ్య ప్రదేశాలు
1. డెహ్రాడూన్ | ఇండియన్ ఇన్స్టిట్యూట్ ఆఫ్ రిమోట్ సెన్సింగ్ |
2. షాద్నగర్ (హైదరాబాద్) | నేషనల్ రిమోట్ సెన్సింగ్ ఏజెన్సీ |
3. గాందంకి (తిరుపతి) | నేషనల్ మెసోస్పియర్/ స్ట్రాటోస్పియర్/టోపోస్పియర్ రాడార్ ఫెసిలిటీ |
4. తిరువనంతపురం (కేరళ) | విక్రమ్ సారాభాయ్ స్పేస్ సెంటర్ |
5. హసన్ (కర్ణాటక) | ఇన్శాట్ మాస్టర్ కంట్రోల్ ఫెసిలిటీ |
6. అహ్మదాబాద్ | ఫిజికల్ రీసెర్చ్ లాబొరేటరీ |
7. ఉదయ్పూర్ | సోలార్ అబ్జర్వేటరీ |
8. బాలాసోర్ (ఒడాశా) | అంతరిక్ష ప్రయోగ కేంద్రం |
9. బెంగళూర్ | ఇండియన్ సైంటిఫిక్ శాటిలైట్ ప్రాజెక్ట్ |
10. బెంగళూర్ | ఇండియన్ స్పేస్ రీసెర్చ్ ఆర్గనైజేషన్ |
11. అహ్మదాబాద్ | ఫిజికల్ రీసెర్చ్ లాబొరేటరీ |
12. తిరువనంతపురం | ప్రొపెల్లింగ్ ప్యూయల్ కాంప్లెక్స్ |
13. తిరువనంతపురం | శాటిలైట్ లాంచ్ వెహికల్ ప్రాజెక్ట్ |
14. అహ్మదాబాద్ | స్పేస్ అప్లికేషన్ సెంటర్ |
15. బెంగళూర్ | స్పేస్ కమిషన్ |
16. శ్రీహరికోట (ఆంధ్రప్రదేశ్) | సతీష్ ధావన్ అంతరిక్ష కేంద్రం |
17. తుంబా (తిరువనంతపురం) | తుంబా ఈక్వెటోరియల్ రాకెట్ లాంచింగ్ స్టేషన్ |
18. హైదరాబాద్ | న్యూక్లియర్ ఫ్యూయల్ కాంప్లెక్స్ |
19. తిరుపతి (ఆంధ్రప్రదేశ్) | నేషనల్ అట్మాస్పెరిక్ రీసెర్చ్ లాబొరేటరీ |
20. చండీగఢ్ | సెమీ- కండక్టర్ లాబొరేటరీ |
21. న్యూ ఢిల్లీ | డాస్ బ్రాంచ్ సెక్రటేరియట్ |
22. న్యూ ఢిల్లీ | ఇస్రో బ్రాంచ్ ఆఫీస్ |
23. న్యూ ఢిల్లీ | ఢిల్లీ ఎర్త్ సెక్షన్ |
24. బెంగళూర్ | డిపార్ట్మెంట్ ఆఫ్ స్పేస్ అండ్ ఇస్రో హెడ్క్వార్టర్స్ |
25. బెంగళూర్ | ఇన్శాట్ ప్రోగ్రామ్ ఆఫీస్ |
26. బెంగళూర్ | ఎన్ఎన్ఆర్ఎమ్ఎస్ సెక్రటేరియట్ |
27. బెంగళూర్ | సివిల్ ఇంజనీరింగ్ ప్రోగ్రామ్ ఆఫీస్ |
28. బెంగళూర్ | ఏన్ట్రిక్స్ కార్పొరేషన్ |
29. బెంగళూర్ | ఇస్రో శాటిలైట్ సెంటర్ (ఐఎస్ఏసీ) |
30. బెంగళూర్ | లాబొరేటరీ ఫర్ ఎలక్ట్రో- ఆప్టికల్ సిస్టమ్స్ |
31. బెంగళూర్ | ఇస్రో టెలిమెట్రీ, ట్రాకింగ్ అండ్ కమాండ్ నెట్వర్క్ |
32. బెంగళూర్ | లిక్విడ్ ప్రొపల్షన్ సిస్టమ్స్ సెంటర్ |
33. పోర్ట్బ్లెయర్ | డౌన్ రేంజ్ స్టేషన్ |
34. అహ్మదాబాద్ | డెవలప్మెంట్ అండ్ ఎడ్యుకేషనల్ కమ్యుమనికేషన్ యూనిట్ |
35. అలువ (కేరళ) | అమ్మోనియం పెర్క్టోరేట్ ఎక్స్పరిమెంటల్ ప్లాంట్ |
36. తిరువనంతపురం | లిక్విడ్ ప్రొపల్షన్ సిస్టమ్స్ సెంటర్ |
37. తిరువనంతపురం | ఇండియన్ ఇన్స్టిట్యూట్ ఆఫ్ స్పేస్ సైన్స్ అండ్ టెక్నోలజీ |
38. భోపాల్ | మాస్టర్ కంట్రోల్ ఫెసిలిటీ- బి |
39. నాగ్పూర్ | సెంట్రల్ ఆర్ఆర్ఎస్సీ |
40. షిల్లాంగ్ | నార్త్ ఈస్టర్న్ స్పేస్ అప్లికేషన్ సెంటర్ |
41. హైదరాబాద్ | నేషనల్ రిమోట్ సెన్సింగ్ సెంటర్ |
42. లక్నో | ఇస్ట్రాక్ గౌండ్ స్టేషన్ |
43. డెహ్రాడూన్ | సెంటర్ ఫర్ స్పేస్ సైన్స్ అండ్ టెక్నాలజీ ఎడ్యుకేషన్ ఇన్ ఏషియా- పసిఫిక్ |
44. మహేంద్రగిరి | లిక్విడ్ ప్రొపల్షన్ టెస్ట్ ఫెసిలిటీస్ |