సమంత ఫిక్స్ అయింది కానీ ఆ మాట చెప్పడంతో! యాంకర్ ప్రదీప్ మూవీ సీక్రెట్స్ రివీల్ చేసిన డైరెక్టర్..

ప్రదీప్ హీరోగా రూపొందిన ’30 రోజుల్లో ప్రేమించటం ఎలా?’ సినిమా కథ ముందుగా సమంత వద్దకు వెళ్లిందట. తాజాగా జరిగిన ఓ ఇంటర్వ్యూలో అప్పటి విషయాలు చెప్పుకొచ్చారు డైరెక్టర్ మున్నా.

• సమంత వద్దకు ప్రదీప్ ఫస్ట్ మూవీ
• కథ నేరేట్ చేసిన డైరెక్టర్
• ఆ ఒక్క కారణంగా సమంత ‘నో’

30 రోజుల్లో ప్రేమించటం ఎలా?’ అంటూ ఇటీవలే ప్రేక్షకుల ముందుకొచ్చిన సంగతి తెలిసిందే. బుల్లితెరపై హవా నడిపిస్తూ తనకంటూ ఓ స్పెషల్ ఇమేజ్ క్రియేట్ చేసుకున్న ఆయన.. ఈ సినిమాతో హీరోగా పరిచయమయ్యారు. ఈ మూవీలో ప్రదీప్ సరసన
అమృత అయ్యర్ హీరోయిన్‌గా నటించింది. అయితే ముందుగా ఆ అవకాశం సమంతకు వచ్చిందట. ఈ కథను సమంతకు వినిపించారట డైరెక్టర్ మున్నా. తాజాగా జరిగిన ఓ ఇంటర్వ్యూలో మూవీ షూటింగ్‌కి ముందు జరిగిన గురించిన కొన్ని విషయాలు రివీల్ చేశారాయన.

30 రోజుల్లో ప్రేమించడం ఎలా? కథ రాసుకున్నాక హీరోహీరోయిన్ల వేట ప్రారంభించిన డైరెక్టర్ మున్నా.. ముందుగా స్టార్ హీరోయిన్ సమంతకు ఈ కథ చెప్పానని అన్నారు. సమంత మేనేజర్ వద్దకు వెళ్ళినప్పుడు ఆమెకు కథ చెబుతాను అంటే పైనుంచి కింద దాకా చూస్తూ అలా ఎలా కుదురుతుందని ప్రశ్నించాడని, అయితే ముందు ఆ కథను అతనికి చెప్పి మెప్పించాక సమంతకు కలిసే అవకాశం పొందానని అన్నారు మున్నా. ఇక కథ విన్న సమంత చాలా బాగుందని చెప్పిందని, కాకపోతే డేట్స్ అడ్జస్ట్ కాకపోవడంతో ఆమె ఈ సినిమాలో నటించనని చెప్పిందని ఆయన తెలిపారు.

అతడితో శ్రీరెడ్డి గాఢ చుంబనం.. ఎప్పుడూ వీడి మూతేనా అంటూ ఆ ఫొటోపై బోల్డ్ కామెంట్

సమంతను హీరోయిన్‌గా అనుకున్నపుడు ఇంకా హీరోగా యాంకర్ ప్రదీప్‌ని ఫైనల్ చేయలేదని ఆయన చెప్పారు. ఆ తర్వాత ప్రదీప్ హీరోగా ఒప్పుకున్నాక అమృత అయ్యర్‌ని ఫైనల్ చేశానని.. ఇక ఆమెలోనే సమంతను చూసుకుంటూ సినిమా రూపొందించామని మున్నా చెప్పడం విశేషం. పునర్జన్మల నేపథ్యంలో తెరకెక్కిన ’30 రోజుల్లో ప్రేమించటం ఎలా?’ సినిమా ఈ ఏడాది మొదట్లో విడుదలై ఫర్వాలేదనిపించింది. చిత్రంలోని ”నీలి నీలి ఆకాశం ఇద్దామనుకున్నా” సాంగ్ ఫుల్ పాపులర్ అయింది.