Blog

మంగళయాన్‌కు చిక్కిన మార్స్‌ సమీపంలోని అతిపెద్ద చంద్రుడు.. ఫోటోలు వైరల్

[ad_1]

అంగారకుడిపై పరిశోధనలకు భారత అంత‌రిక్ష పరిశోధన సంస్థ‌ (ఇస్రో) పంపిన ఆర్బిటార్ అరుదైన చిత్రాల‌ను తీసింది. ఆర్బిటార్‌లో ఉన్న మార్స్ క‌ల‌ర్ కెమెరాకు.. చంద్రుడు చిక్కాడు. అంగారకుడికి అత్యంత స‌మీపంగా, అత్యంత పెద్ద‌దైన ఫోబ‌స్ చంద్రుడి ఫోటోల‌ను మార్స్ ఆర్బిటార్ పంపిన‌ట్ల వెల్ల‌డించింది. జులై 1న మార్స్ ఆర్బిటార్ తీసిన ఈ ఫోటోల్లో అంగార‌క గ్ర‌హానికి సుమారు 4,200 కిలోమీట‌ర్ల దూరంలో ఫోబ‌స్ చంద్రుడు ఉన్న‌ట్లు గుర్తించారు. మార్స్ ఆర్బిటార్‌.. ఆ చంద్రుడిని సుమారు 7,200 కిలోమీట‌ర్ల దూరం నుంచి చిత్రీక‌రించిన‌ట్లు ఇస్రో శాస్త్ర‌వేత్త‌లు తెలిపారు.

210 మీట‌ర్ల రెజ‌ల్యూష‌న్ ఉన్న చిత్రాల‌ను రిలీజ్ చేసిన ఇస్రో.. 6 ఎంసీసీ ఫ్రేమ్స్ దృశ్యాల నుంచి ఈ చిత్రాల‌ను జ‌న‌రేట్ చేసింది. రంగుల్లోనూ మార్పులు చేసిన‌ట్లు ఇస్రో తెలిపింది. ఫోబ‌స్ చంద్రుడు ఎక్కువ శాతం కార్బ‌న్ మూల‌కాల‌తో ఉన్న‌ట్లు శాస్త్ర‌వేత్త‌లు అంచ‌నా వేస్తున్నారు. ఫోబ‌స్‌లో భారీ లోయ‌ల్ని కూడా గుర్తించారు. స్టిక్‌నే క్రాట‌ర్‌తో పాటు సాక్లోస్కీ, రోచ్‌, గ్రిల్‌డ్రిగ్ లాంటి అగాధాల‌ను మార్స్ ఆర్బిటార్ గుర్తించినట్టు శాస్త్ర‌వేత్త‌లు వెల్ల‌డించారు.

2014 సెప్టెంబ‌ర్ 24న మంగ‌ళ‌యాన్‌ ద్వారా మార్స్ ఆర్బిటార్ మిష‌న్‌ను అత్యంత విజ‌య‌వంతంగా క‌క్ష్య‌లోకి ఇస్రో ప్ర‌వేశ‌పెట్టింది. నెల్లూరు జిల్లా శ్రీహ‌రికోట సతీష్ ధావన్ స్పేస్ సెంటర్ నుంచి పీఎస్ఎల్వీ రాకెట్‌ ద్వారా మంగ‌ళ‌యాన్ స్పేస్‌క్రాఫ్ట్‌ను 2013, న‌వంబ‌ర్ 5న‌ ప్ర‌యోగించారు. కాగా.. దీనికి మామ్ అని పేరు కూడా సూచించారు.

మంగళయాన్ మిషన్ మొదట్లో ఆరునెలల కాలపరిమితి పెట్టుకున్నా.. తర్వాత చాలా సంవత్సరాలకు సరిపడేలా ఇందులో ఇంధనం నింపినట్టు ఇస్రో తెలిపింది. అంగారకుడి పుట్టుక, దానిపై ఉండే వాతావరణ పరిస్థితుల తదితరాలను అధ్యయనం చేయడానికి ఈ ప్రయోగాన్ని మొత్తం రూ.450 వ్యయంతో ఇస్రో చేపట్టింది.

మార్స్ ఆర్బిటర్‌లో లైమాన్ ఆల్ఫా ఫోటోమీటర్ (ఎల్‌ఎపి), మీథేన్ సెన్సార్ ఫర్ మార్స్ (ఎంఎస్‌ఎం), మార్స్ ఎక్సోస్పిరిక్ న్యూట్రల్ కంపోజిషన్ ఎనలైజర్ (మెన్కా), మార్స్ కలర్ కెమెరా (ఎంసీసీ), థర్మల్ ఇన్‌ఫ్రారెడ్ ఇమేజింగ్ స్పెక్ట్రోమీటర్ (టిఐఎస్) పరికరాలు ఉన్నాయి.

[ad_2]
Source link

Tags

Related Articles

Leave a Reply

Your email address will not be published. Required fields are marked *

Close