Blog

ఆస్ట్రాయిడ్ బెన్నును ముద్దాడిన ఒసైరిస్-ఎక్స్.. ఫలించిన నాసా పదేళ్ల శ్రమ

[ad_1]

అంతరిక్ష ప్రయోగాల్లో మరో విజయాన్ని అమెరికా అంతరిక్ష సంస్థ (నాసా) మరో విజయాన్ని తన ఖాతాలో వేసుకుంది. ‘బెన్ను’అనే గ్రహశకలంపై‘ఒసైరిస్‌-రెక్స్‌’ వ్యోమనౌకను విజయవంతంగా దింపింది. ప్రయోగం అనుకున్నట్లుగానే సాగిందని ప్రాజెక్టుకు నేతృత్వం వహించిన శాస్త్రవేత్త లారేటా తెలిపారు. గ్రహశకలంపై దిగగానే ఒసైరిస్‌ కేంద్రానికి సంకేతాలు పంపినట్లు వెల్లడించారు. అయితే, ఈ ప్రయోగం లక్ష్యం ఎంత వరకు నెరవేరిందనేది తెలియరాలేదు. దీని గురించి తెలియాలంటే కనీసం వారం రోజుల సమయం పడుతుందన్నారు.

ఒకవేళ నమూనాల్ని సేకరించలేదని తేలితే మరోసారి ల్యాండ్‌ చేసేందుకు ప్రయత్నిస్తామని పేర్కొన్నారు. దీని కోసం అన్ని ఇప్పటికే అన్ని ప్రణాళికలు సిద్ధం చేశామని వివరించారు. చిన్న రేణువులతోపాటు భారీ శిలలు ఉన్న ఈ గ్రహశకలంపై గురుత్వాకర్షణ శక్తి కూడా చాలా తక్కువ. ఈ నేపథ్యంలో విజయవంతంగా ల్యాండింగ్‌‌పై సర్వత్రా ఉత్కంఠ నెలకొంది. ఏవైనా అవాంతరాలు ఎదురైతే తిరిగి గాల్లోకి దూసుకెళ్లేలా ఏర్పాట్లు చేసినప్పటికీ.. ప్రస్తుతం ఆ అవసరం రాలేదు. అన్ని అడ్డంకుల్ని అధిగమించి‌ బెన్నుని చేరింది.

బెన్ను చుట్టూ ఒక నిర్దేశిత కక్ష్యలో పరిభ్రమించిన ఒసైరిస్‌.. నాలుగున్నర గంటల తర్వాత గ్రహశకలాన్ని ముద్దాడిందని వెల్లడించారు. గ్రహశకలం ఉపరితలంపై అది కేవలం 5-10 సెకన్లు మాత్రమే ఉంటుంది.. పైగా వ్యోమనౌక పూర్తిగా దాని ఉపరితలాన్ని చేరకుండా చేతిలాంటి ఒక పరికరం మాత్రమే తాకుతుంది. అందుకే, ఈ ప్రక్రియను బెన్నును ముద్దాడడంగా శాస్త్రవేత్తలు అభివర్ణించారు. బెన్నుపై గురుత్వాకర్షణ శక్తి తక్కువగా ఉండడంతో ల్యాండింగ్‌ ప్రక్రియ అతిక్లిష్టంగా కొనసాగినట్లు నాసా తెలిపింది.

ఈ ప్రయోగం కోసం దశాబ్ద కాలంగా నాసా తీవ్రంగా శ్రమిస్తోంది. నేడు ఆ కృషి ఫలించడంతో ఈ ప్రాజెక్టులో పాలుపంచుకున్న శాస్త్రవేత్తలు, ఇతర సిబ్బంది సంతోషంతో ఉబ్బితబ్బుబ్బి అవుతున్నారు. ఇప్పటి వరకూ జపాన్‌ మాత్రమే ఈ ఘనతను సాధించింది.
బెన్ను నుంచి దాదాపు 60 గ్రాముల నమూనాలను సేకరించడానికి టెన్నిస్‌ కోర్టు పరిమాణంలో ఉన్న ఒక ప్రాంతాన్ని శాస్త్రవేత్తలు ఎంపిక చేశారు. దానికి నైటింగేల్‌ అని పేరు పెట్టారు. ఒసైరిస్‌-రెక్స్‌ ప్రస్తుతం బెన్నుకు 0.75 కిలోమీటర్ల ఎత్తులోని కక్ష్యలో పరిభ్రమిస్తోంది. అక్కడి నుంచి కిందకి దిగి, నమూనాలను సేకరించడానికి ఈ వ్యోమనౌకకు నాలుగు గంటలు పడుతుంది.

గ్రహశకల ఉపరితలంపై అది 5-10 సెకన్లు మాత్రమే ఉంటుంది. నమూనాల సేకరణ కోసం అది.. పీడనంతో కూడిన నైట్రోజన్‌ గ్యాస్‌ను తొలుత బయటకు విడుదల చేస్తుంది. ఫలితంగా పైకి లేచే ధూళి, గ్రావెల్‌ను తనలోకి లాగేసుకొని, వేగంగా పైకి లేస్తుంది. ఈ ప్రక్రియ మొత్తాన్నీ వ్యోమనౌక సొంతంగానే నిర్వహిస్తుంది.

భూ కేంద్రం నుంచి వెళ్లే సంకేతం దానిని చేరుకోడానికి 18 నిమిషాలు పడుతుంది కాబట్టి భూమి నుంచి దాన్ని నియంత్రించడం సాధ్యంకాదు. ఒకవేళ తొలి ప్రయత్నంలో విఫలమైతే.. మరోసారి నమూనాల సేకరణకు ఒసైరిస్‌ రెక్స్‌ ప్రయత్నిస్తుంది. ఈ నమూనాలు 2023లో భూమికి చేరుకుంటాయి. చిన్న వ్యాన్ పరిమాణంలో ఉండే ఒసైరిస్‌-రెక్స్‌ పొడవు 2.3 మీటర్లు. 2016లో ప్రయోగించిన ఈ వ్యోమనౌక నాలుగేళ్ల పాటు 200 మిలియన్ మైళ్లు ప్రయాణించి, బెన్నును చేరుకుంది.

[ad_2]
Source link

Tags

Related Articles

Leave a Reply

Your email address will not be published. Required fields are marked *

Close